Utbryterne

Tittel: Utbryterene
Sjanger: Futurisk Ungdomsroman
Forlag: Gyldendal
Sider: 361

I Utbryterne får vi innblikk i korleis det er å leve i 2075, og feministpartiet regjerer. 17 år gamle Carla jobbar som lærling i Klimaavdelinga. Der hjelper ho til med å finne formelen som kan rense lufta, og redde verda. Carla og Noah set ut på eit oppdrag der dei skal sende ut formelen til andre forskarar.

Det vanskelegaste med boka er nok å kome seg gjennom starten. Det tek litt tid før spenninga kjem, men romanen inneheld fleire spenningstoppar. Det går relativt fort å lese, og det er enkelt å leve seg inn i handlinga. Utbryterne er ein av dei beste bøkene eg har lese, og plottet er originalt. Eg har ikkje lese, sett eller høyrt om noko liknande, og boka inneheld ikkje mykje klisjear.

Boka er skriven slik at Carla og Noah, hovudpersonane, har kvar sitt kapittel. Eg synest det er ein grei måte å gjere det på, men for nokon kan det vere vanskeleg å følgje med. Språket er litt komplisert, med tanke på at der er nokon ord som kan vere litt vanskelege. Personleg meiner eg at det var enkelt å kome seg gjennom dei 361 sidene. Når vi ser på skildringar og karakterar synest eg at dei var forklart på ein god måte. Boka er og skriven på ein slik måte at ein merkar at karakterane forandrar seg i løpet av boka, dette synest eg er veldig bra.

Dette var ei veldig god bok, som eg vil anbefale å lese. Til tider er det vanskeleg å leggje den frå seg fordi ein blir så engasjert i handlinga. Eg vil gi den terningkast 5, der det einaste som trekkjer ned er at starten var treig.