Morgengry (Solstorm 3)

Morgengry (Solstorm 3)
Tittel: Morgengry (solstorm3)
Forfatter: May Grethe Lerum
Forlag: Aschehoug
Maja og Andreas har rømt frå familiane sine, og til Mortens besteforeldre. Der får dei lov til å bu, og dei er forholdsvis trygge for pastor Johannes, som er ute etter mange ungdommar. Maja er bekymra for dei andre i familien sin. Ruth blir gravid, og ho må skjule det for dei andre på garden, kun Maja kan få vite om det. Garden som Morten sjølv høyrer til, er der folk som har flytta inn. Andreas forsvinn ofte inn til byen, og Maja saknar han, og ho veit ikkje kva det eigentleg er han driver med. Ho trur han reiser inn til byen for å snakke med avisa om noko han ikkje var så glad for, men det er ikkje det han gjer. Ei lita periode blir Andreas vekke mange dagar, og Maja blir bekymra for han. Maja og Leander er mykje ilag når Andreas ikkje er der. Dei går ut å ser på himmelen, midt på natta, og har det veldig kjekt. Det er mykje kjærleik på garden, men dei gamle likar ikkje at det skal vere slik, så gutane og jentene må søve på kvar sine rom, og blir passa på av kvar sin vaksen som bur på garden. Ungdommane lurer seg ofte ut, utan at dei vaksne merkar det.
Boka var sjukt bra! Den var veldig gripande, og ein får veldig lyst til å lese meir. Det var lett å leve seg inni den, og den var spennandes heile tida. Det som gjer boka god er at det alltid skjer noko, og at spenninga er der, men også fordi boka har ein moral, og vil lære oss ungdommar noko. Boka er veldig lett å lese. Boka kan vere litt viktig å lese, fordi den seier litt om at vi ungdommar kanskje ikkje treng mobiltelefonar med internett og dekning?
Eg anbefalar boka på det høgste!