Juksemaker

Juksesmaker
Helene Guåker

Vilde er 16 år og akkurat begynt på vidaregåande. Den einaste grunnen til at ho begynte på musikklinja var fordi ho ville vekk. Det er berre ei ting Vilde kunne tenke seg å gjere og det er å skrive. Denne forteljinga fortel korleis Vilde føler seg, ho uttrykker kva ho føler i novellene ho skriv.

Eg følte at boka var ei bok ein kunne kjenne seg igjen i, fordi Vilde har mange ulike tankar, og det er ikkje fordi ein røyker og reiser på fest. Men ho har eitt mål ho vil nå, og ho gir ikkje opp, uansett kva som skjer. Det opplever ein i boka.

Vilde er tøff på utsida, men ho er mykje snillare på innsida. Ho føler seg misforstått. Ingen skjønner kven ho eigentlig er, ho held alt hemmeleg. Måten Vilde oppfører seg på og kva som hender held spenninga oppe. Når eg først hadde begynt å lese, klarde eg ikkje å leggje frå meg boka.

Eg meiner at boka er bra og forfattaren klarar og holde oppe spenninga heile tida. Eg meiner og hovudpersonen, Vilde, er ganske fasinerande på måten ho oppfører seg. Det som rører meg mest er kor mykje Vilde vil skrive og korleis ho fokuserer på målet sitt. Det som ikkje var så bra var at det var mykje banning. Ein treng ikkje å skrive banneord, berre for å bruke banning. Eg vil gi boka terningkast 5.